Bestel uw kaarten via het menu Kaorten.

Tot ziens bij een van onze laatste optredens.

The Flying Stars 

Een winterse aovend in 1947

Et begon allemaol in 1947 op een koolde, winterse aovond i'j de plaetselike korfbalverieninge.

Om de onderlinge baand tussen de leden te verstarken wodden d'r gezellige aovens orgeniseerd waorbi'j ok een tal jongeluden optrad mit meziek en teniel.

Vanwegens et enthousiasme wodde d'r een meziekgroep opricht en zo zag The Flying Stars op 14 november 1947 et levenslocht.

In die tied was et hiel gebrukelik om een verieninge een Engelstaelige naeme te geven.

Zoks staot aenlik haoks op et doel van de verieninge van now, dat is ommes et behoold en bevodderen van de Stellingwarver streektael. 

De vereniging gruuide in die jaoren uut tot 40/50 leden. In de jaoren 1960 / 70 kwam de meziek in et slop.

Vule leden haokten of wegens huwelik of wark argens aanders.

Toen ok nog de dirigent plotseling kwam te overlieden, wodde d'r op eigen krachten nog ienige jaoren deur hobbelt.

Doe kwam al gauw de vraoge, wat now.......... 

 The Flying Stars keuzen veur een meer professionele anpak en mikten bewust op et verhogen van et nivo en perfektioneren van heur pergrammes. In die tied wodde et showelement van artiesten ok altied belangrieker en dus wodde d'r een eigen stand mit grote doeken as dekor ontwurpen waor vandaege-de-dag nog altied gebruuk van wodt maekt. 

 Intied bin in de laeste jaoren beheurlike investerings daon in locht en geluud, zodat The Flying Stars klaor binnen veur de reize richting et eeuwfeest !

Elk jaor slaegt men d'r weer in een ni'j pergramme te brengen, mit schetsies, ofwisseld mit lieties,

[soms in et Nederlaans] en dan meestal mit een lach en soms mit een traon.

Zo het de groep veul an schriever en dichter Harmen Houtman die niet alliend schetsies maor ok veul lietesteksten in et Stellingwarfs schrift.